Lajme

Adoleshenti që gjurmon fluturimet e Elon Musk nuk pranon ofertën e miliarderit për të mbyllur llogarinë

Jack Sweeney, një student 19-vjeçar nga Florida, refuzoi një ofertë prej 5000 dollarësh nga Elon Musk për të fshirë llogarinë e tij në Twitter, që gjurmon avionin privat të miliarderit.

Llogaria ElonJet ka mbi 180 000 ndjekës dhe përdor një “software” që Sweeney zhvilloi për të monitoruar fluturimet e njeriut më të pasur në botë, të dhëna që më pas publikohen në Twitter dhe që tregojnë me saktësi kur dhe ku niset ose ulet avioni, si dhe kohëzgjatjen e çdo udhëtimi.

I riu tregon se në mesazhin e parë nga pronari i Tesla dhe SpaceX, iu kërkua të fshinte llogarinë pasi ishte kërcënim për sigurinë e tij. CEO i Tesla dhe SpaceX t i ofroi adoleshentit 5000 dollarë për këtë, por Sweeney iu kundërpërgjigj duke kërkuar 50 000 dollarë, të cilat tha se do t’i përdorte për të paguar kolegjin dhe mbase për të blerë një makinë Tesla.

Musk tha se ai do të mendonte për këtë ofertë, por nuk ka kontaktuar me Sweeney që nga ajo kohë. Prandaj, adoleshenti vendosi të bënte publike bisedën e tij me miliarderin.

Unë kam punuar shumë në këtë adresë dhe 5000 dollarë, nuk janë të mjaftueshme.

Adoleshenti ka shpikur dhjetëra aplikacione të ngjashme që gjurmojnë lëvizjet e personazheve të njohur në botën e teknologjisë, përfshirë Bill Gates dhe Jeff Bezos. Rikujtojmë se në vitin 2021 ishin dhjetë sipërmarrës me asete mbi 100 miliardë dollarë dhe mbi 200 që grumbulluan të paktën 10 miliardë pasuri. Ndër të gjithë, spikati themeluesi i Tesla-s, Musk i cili e ka shtyrë veten drejt majave që vetëm John D. Rockefeller kishte arritur në fillim të viteve 1900.

Musk e mbylli vitin 2021 me vlera të krahasueshme: 273.5 miliardë dollarë, 75% më shumë se 2020, falë performancës së shkëlqyer të Tesla-s së tij në bursë. Në vendin e dytë në distancë është Jeff Bezos (194.2 miliardë) i cili e filloi vitin 2021 në krye, por u tejkalua nga Musk sepse Amazon u rrit vetëm me 2% në vit.

Gjithashtu mund te shikoni

Leave a Reply

Your email address will not be published. Required fields are marked *

Back to top button