Lajme

Grenelli punësohet si analist në një faqe amerikane të lajmeve

Rrjeti konservator i lajmeve në Shtetet e Bashkuara, “Newsmax”, njoftoi se e ka emëruar nënpresident dhe analist ish-ushtruesin e detyrës së Drejtorit për Inteligjencë Kombëtare të Donald Trumpit, Richard Grenell.

“Ric Grenell është mjeshtër i politikës, medieve dhe qeverisë dhe ne besojmë se shikuesit tanë do të përfitojnë njohje të thella nga përvoja e tij e gjerë dhe shërbimi publik”, tha përmes një deklarate shefi ekzekutiv i rrjetit “Newsmax”, Christopher Ruddy.

Në anën tjetër, Grenelli përmes një deklarate tha: “Jam i nderuar që t’i bashkohem Newsmax si kontribuues për Siguri Kombëtare dhe gjithashtu t’i udhëheq bashkëpunimet e tyre ndërkombëtare.”
Ky vendim erdhi kur “Newsmax” po përballet me paraqitjen e rrjetit “Fox News” si mbizotërues në fushën e medieve, sidomos në mesin e shikuesve konservatorë dhe përkrahës të Trumpit.

“Newsmax” e filloi vitin me vlerësime të forta dhe dukej se ishte në pozicion për t’i bërë konkurrencë të vërtetë “Fox News”-it, por ka dështuar që të lidhet me audiencë të madhe, shkruan Media Ite.

Gjithashtu mund te shikoni

Leave a Reply

Your email address will not be published. Required fields are marked *

Gjithashtu mund te shikoni
Close
Back to top button