Lajme

Kompanitë perëndimore braktisin Rusinë, Kremlini pranon krizën

Ekonomia ruse po humb çdo ditë miliardë dollarë, ndërsa mijëra qytetarë vendas nuk janë më në punë për shkak të largimit të kompanive perëndimore.

Nga nafta, automjetet deri te teknologjia dhe media, në vetëm një javë, Rusia po përjeton goditjen më të madhe financiare.

Sanksionet ekonomike të perëndimit po krijojnë pengesa në treg. Dhjetëra kompani ndërkombëtare kanë vendosur të tërhiqen, duke bllokuar zinxhirin e prodhimit e furnzimit, por edhe duke mbyllur mijëra vende pune. Investitorët perëndimorë kanë refuzuar të blejnë naftë ruse, në masën 4.3 milionë fuçi në ditë, me vlerë gjysmë miliardë dollarë në ditë. Apple, Disney dhe Ford, po heqin dorë nga operacionet në Rusi për shkak të pushtimit të Ukrainës.

Në tregun e shitjeve me pakicë, H&M dhe IKEA njoftuan largimin. E para me 168 dyqane në Rusi dhe e dyta me 17 qendra tregtare distancohen, duke lënë mbi 20 mijë vende pune bosh.

Në tregun e automjeteve, General Motors, Ford, Toyota dhe e Volksvagen kanë deklaruar se nuk do të prodhojnë e as të eksportojnë makina e pjesë këmbimi.

Po ashtu, edhe Boeing e Airbus deklaruan lëvizje të ngjashme, duke pezulluar shërbimet për linjat ajrore ruse, si dhe furnizimin me pjesë këmbimi. Teknologjia dhe media po ashtu, nuk do të jenë më si më parë në Rusi. Apple, Facebook, Twitter, Netflix, Spotify, Roku, Youtubë e Directv i kanë bërë bllokadë vendit që drejtohet nga Vladimir Putin.

Izolimi në Rusi do të ndihet edhe prej largimit të investitorëve të mëdhenj në fushën e energjisë dhe hidrokarburëve, ku deri më tani, BP, Equinor, Exxon, Shell dhe TotalEnergies po heqin dorë nga aksionet dhe furnizimi.

Me këto veprime, por edhe të tjera në sistemin bankar dhe financiar të vendit, zëdhënësi i Kremlinit, Dmitri Peskov pranoi se ekonomia ruse ka marrë goditje serioze.

Gjithashtu mund te shikoni

Leave a Reply

Your email address will not be published. Required fields are marked *

Gjithashtu mund te shikoni
Close
Back to top button