Lajme

Kongresisti i zëshëm amerikan, kërkon nga Biden e Blinken të mbështesin hyrjen e Kosovës në NATO

Kongresisti nga radhët e republikanëve Ritchie Torres ka kërkuar nga presidenti i SHBA-së Joe Biden dhe sekretari i Shtetit Antony Blinken që të mbështesin përpjekjet e Kosovës për anëtarësim në NATO, pasi kjo do t’i kontribuonte rritjes së sigurisë në rajon.

“Kosova, një aleate e fortë e SHBA-së në Evropën Juglindore, duhet të pranohet në #NATO. I bëj thirrje @POTUS dhe @SecBlinken të dyfishojnë përpjekjet për të siguruar që Kosova të bëhet anëtare. Ne duhet të qëndrojmë me aleatin tonë në mes të krizës së vazhdueshme të sigurisë në rajon”, ka shkruar Torres.

Ai në një postim në Twitter ka publikuar letrën dërguar presidentit Biden dhe sekretarit të Shtetit Blinken, në të cilin ndër tjera, kërkon që SHBA të mbështesë anëtarësimin e Kosovës në Aleancën Veri-atlantike.

“Derisa Rusia po vazhdon të sillet si një akter joracional dhe Serbia po i forcon marrëdhëniet e saj me Rusinë, është e rëndësishme që ne të ndihmojmë aleatin tonë Kosovën që t’i bashkëngjitet NATO-s. Me zhvillimet e shpejta të situatës së sigurisë në Evropë, ne duhet të qëndrojmë me aleatin tonë Kosovën dhe të sigurojmë se ata do t’i bashkëngjiten NATO-s si një vend anëtar”, thuhet ndër tjera në letër.

Gjithashtu mund te shikoni

Leave a Reply

Your email address will not be published. Required fields are marked *

Gjithashtu mund te shikoni
Close
Back to top button