LajmeOpinion

Mos u dorëzoni shqiptarët e mi

Bota kundër shqiptarëve (shkrimi #3)
Shkruan: Brilant GASHI
Nëse ne nuk do të ishim krijuar si popull , atëherë edhe zoti do të bënte gabimin më të madh të jetës së tij . Ky është mendimi im si një atdhedashës , por për shqiptarët e tjerë nuk e di se çfarë mendojnë .

Bëj të mira për kombin tënd dhe kurrë mos bëj të mira për armikun që është i maskuar nën fytyrën e mikut . Do të na dënonte zoti i madh shqiptar , në qoftë se do t’a bënim një gabim të tillë . Populli shqiptar ishte në një formë të mirë , për-derisa erdhi paraja , që na falsifikoi , feja që na përçau dhe politika , e cila na ndau .

Për netë të tëra , akoma vazhdon ëndërra e njëjtë e një Shqipërie të bashkuar . Të gjithë shqiptarët duke jetuar në harmoni dhe pa ndasi fetare . Ka një mangësi të madhe këtu . Ajo është se kjo ëndërr nuk është realitet . Ne do të bëjmë të mundur , që t’a kthejmë iluzionin në realitet dhe këtë do t’a bëjmë vetëm me punë dhe me përkushtim .

Gjëja e parë , që ne duhet të bëjmë për t’a realizuar këtë ëndërr është që të kryejmë arsimimin e mirëfilltë : Shkollën fillore , Shkollën e mesme dhe fakultetin dhe më pas , që të vazhdojmë me punën tonë të madhe dhe të drejtë kombëtare . Kjo punë do të shërbej në diçka shumë të madhe për kombin tonë dhe hap pas hapi do të arrijmë t’a realizojmë ëndrrën tonë për Shqipëri etnike .

Kombi do të shkojë në rrugë të gabuar , nëse ky i fundit qeveriset nga udhëheqësit diktator dhe mësuesit e pa-arsimuar . Kjo është rruga e vërtet dhe e drejtë , të cilën ne duhet t’i shkojmë kundër dhe të mos i shtyejmë shqiptarët të ecin drejt asaj rruge të errët .

Koha vetëm ikën , por ne nuk po bëjmë asgjë t’a zgjojmë ndjenjën tonë kombëtare . Ardhmëria jonë kombëtare është në dorën e disa të paditurve të historisë dhe në këtë mënyrë , Shqipëria rrezikon të mos bëhet një .

Ne duhet që të dijmë nëse jemi apo nuk jemi një . Kush e di , ndoshta edhe ne nuk e kemi të shkruar që të jemi së bashku në një trup . Ndoshta ne e kemi të shkruar , të jemi si marionet në dorën e Fuqive të mëdha dhe fqinjëve .

Jam shumë i frustruar dhe fati ynë ka mbetur në pikëpyetje . Porosinë e fundit të të madhit Gjergj Kastrioti , akoma nuk e kemi çuar në vendin e vet , amanetin e luftëtarëve dhe të parëve tanë për mbrojtjen e tokave nuk e kemi çuar në vendin e vet . Atëherë , çfarë paskemi bërë gjatë tërë këtyre viteve ?

“Zot , mos lejo që në kohë të sprovave të mëdha t’a humb durimin e mbi të gjitha , mos lejo t’a humb drejtpeshimin .” – i thoshte vetes At Gjon Nikoll Kazazi në shënimet e tij .

Feja për shekuj të tërë , që nga krijimi i rruzullimit nuk ka pasur ndarje tek shqiptarët . “Shqiptarët nuk duan t’ia dijnë për fenë . Ata i bashkon kombi dhe jo feja .” – thoshte mikja më e madhe e aso kohe e shqiptarëve , Edith Durham .

Sa e sa të tjerë , kanë vetëm fjalë të mira për shqiptarët . Kurse në anën tjetër armiqët tanë vetëm digjen nga inati i tyre i madh , që kanë për ne .

Bashkimi Kombëtar po afrohet . Në hedhjen e shortit për Waterpolo , e cila është mbajtur në Budapest , ishte bërë një gafë e madhe për malazezët sa që kur ishte thirrur emri i Malit të Zi , në vend që të shfaqej flamuri i shtetit të tyre , u shfaq flamuri më i bukur me sfondin e kuq dhe shqiponjën e zezë me dy krerë .

I bëj thirrje shqiptarëve të mi , që të mos dorëzohen në asnjë mënyrë sepse koha e bashkimit kombëtar ka ardhur dhe nuk ka bir nëne , që mund t’a ndal këtë bashkim të madh gjithë-kombëtar nga Nishi deri në Prevezë .

Gjithashtu mund te shikoni

Leave a Reply

Your email address will not be published. Required fields are marked *

Back to top button