Lajme

Piktori shqiptar që i shiti pikturën Ronaldos: Ibrahimovic po pret me padurim

Agron Hoti është një piktor i përmasave të mëdha. Artisti shqiptar, i cili prej 20-vjetësh ushtron profesionin në Verona të Italisë, rrëfen historinë e emigrimit, pikturat e tij me sipërfaqe të madhe, spektaklin me të cilin ai realizon këto punime, si dhe ambicien e tij për të krijuar së shpejti pikturën më të madhe në botë.

Hoti u largua nga Shqipëria në vitet ‘90, kohë e vështirë e sidomos për artistët.

“Si gjithë shqiptarët në kërkim të një jete më të mirë, të një jete me kuptim sepse atje kuptohet kishte humbur sensi në gjithçka sidomos për artistët ishte ndoshta pak më e ndjeshme ajo hapësira. Kështu që u nisëm u nisëm për të kërkuar fatin. Dikush e gjeti më mirë dikush e gjeti pak jo më mirë. Por unë kam pasur fatin që jam në vendin e artit pikërisht në Verona që është ndër qytete më të bukura në botë, jo vetëm në Itali. Duke filluar duke ëndërruar, duke punuar jashtë mase kam arritur në këtë pikë tani që ndjehem i lumtur”

Kritika italiane e ka etiketuar si artist i ngjyrave, artist që i bën ngjyrat të flasin , Në hapat e parë është marrë edhe me skulpturë edhe me disiplina të tjera, por në pikturën abstrakte ka gjetur forcën e tij.

Agron Hoti

“Kërkoja një çlirim total të emocioneve dhe e vetmja formë dhe mënyrë që gjeta ishte të bëja bojrat të vallëzojnë, që mendoj deri në njëfarë mase e kam arritur”, ka rrëfyer Hoti.

Admirues i artistit shqiptar është edhe futbollisti Cristiano Ronaldo i cili ka bërë pjesë të koleksionit të tij edhe një nga pikturat e Hotit.

“Po Ronaldo. Tani në pritje të tablosë është edhe Ibrahimovic që po e pret me padurim. Piktura e Ronaldos është një përmbledhje e 5 Champions League që ka fituar ai. I kam përmbledhur të gjitha në një tablo, janë të 5 kupat aty po të shohësh me afërsi. Ishte emocionues momenti i dorëzimit të tablosë. Unë nuk kam një foto me të pasi isha përballë dhe për shkak të masave ndaj covid ishte e pamundur ti afroheshe më shumë se tre metra”.

Në planet e së ardhmes ka ndër mend të realizojë një pikturë 8 mijë metra katror.

“Unë së shpejto do të realizojë një ëndërr disa vjeçare, jemi në fund të burokracive dhe së shpejti do të realizoj një pikturë, nuk e bëj për rekord Guines sepse nuk më intereson rekordi por e bëj se aq më e madhe të jetë aq më shumë emocione transmeton në publik. Është rreth 8 mijë metra katrorë në Arabinë Saudite, në Stadiumin e Riadit. Do të shtrihet në fushë do të jenë të pranishëm të gjithë yjet e futbollit botëror që do të ndjekin live realizimin e pikturës”.

Gjithashtu mund te shikoni

Leave a Reply

Your email address will not be published. Required fields are marked *

Back to top button