DiasporaLajme

Themelohet Rrjeti i Komunitetit Shkencor Shqiptar në Suedi

Me iniciativën e Ambasadores Shkëndije Geci Sherifi, sot, nën kujdesin e Ambasadës së Kosovës në Stokholm, në një seancë formale u themelua “Rrjeti i Komunitetit Shkencor Shqiptar” në Suedi. Ky rrjet në vete ngërthen profesorë, studjues, ligjërues e hulumtues nga të gjitha trevat shqiptare të profileve të ndryshme akademike që punojnë në Universitete të ndryshme të Suedisë. Rrjeti ka për qëllim bashkëveprimin, shkëmbimin akademik, zhvillimin e kontakteve profesionale e sociale ku, si platformë do të shërbejë Ambasada e Kosovës në Stokholm.
Ky rrjet, përveç tjerash, do të kontribuojë edhe për ndërlidhjen e Kosovës me qarqe akademike të Suedisë dhe më gjerë. Në kuadër të këtij rrjeti, planifikohen të organizohen tryeza të rrumbullakëta, diskutime, simpoziume, takime, konferenca, e forume të ndryshme akademike të cilat do të kenë një impakt pozitiv jo për Kosovën por edhe për punën shkencore në përgjithësi.

Në seancën konstituive, të pranishmit diskutuan rreth formave të bashkëpunimit dhe dhanë propozime konkrete se si të relaizohen ato ndërkohë që Ambasada e Kosovës në Stokholm, do të shërbej si urë lidhëse dhe lehtësuese e komunikimit mes rrjetit dhe institucioneve relevante të Republikës së Kosovës në mënyrë që të jetësohen këto iniciativa.
Aktualisht rrjeti përbëhet nga komuniteti shqiptar akademik si në vijim:
Armend Bekaj – Uppsala University, Hulumtues në programin Paqe dhe Konflikt
Arianit Kurti – Linnaeus University, PhD, Profesor Asistent në Departamentin e Shkencave Kompjuterike
Mevludin Memedi – Örebro University, Profesor në Informatikë
Gent Ymeri – Malmö University, PhD në Shkenca Kompjuterike dhe Mjekësi Digjitale
Zenun Kastrati – Linnaeus University, Profesor në Informatikë (Applied Machine Learning)
Donat Agushi – Uppsala University, Master of Laws (LLM)
Lindita Aliti – Linnaeus University, PhD dhe Profesor Asistent në Social Work
Fisnik Dalipi – Linnaeus University, Profesor në Informatikë
Valon Junuzi- Malmö University, PhD në Migrimin Ndërkombëtar dhe Marrëdhëniet Etnike
Ilir Jusufi – Linnaeus University, Profesor në Informatikë
Nita Mulliqi – Instituti Karolinska, PhD në Departamentin e Epidemiologjisë Mjekësore dhe Biostatistikës
Mexhid Ferati – Linnaeus University, Profesor në Informatikë (Data Interface)
Erdelina Kurti – Linnaeus University, Post-doc në Departamentin e Informatikës
Miranda Kajtazi – Lund University, Profesor Asistent në Departamentin e Informatikës, poashtu e perfshire në gender work
Gemza Ademaj – Lund University, PhD në Departamentin e Informatikës
Shqipe Gashi Nulleshi – Linnaeus University, PhD në Ndërmarrësi dhe Ndryshim Social
Bahtijar Vogel – Malmö University, Profesor Asistent në departamentin e Shkencave Kompjuterike dhe Teknologjisë së Medias
Blerim Emruli – Lund University, Profesor në Departamentin e Informatikës
Suejb Memeti – Blekinge Institute of Technology, Profesor në Shkenca Kompjuterike
Dua Shala – Södertörn University, Master në Politikë dhe Qeverisje Demokratike
Koordinatore e rrjetit u zgjodh Dua Shala, kurse Donat Agushi do të jetë asistent i projekteve dhe evenimenteve shkencore.
Të pranishmit u dakorduan pjër krijimin e një platforme elektronike të cilën do ta menaxhojë Nita Shala ndërkohë që Ambasadorja Geci Sherifi inkurajon zgjerimin e këtij rrjeti me sa më shumë pjesëmarrës të rinj.

Gjithashtu mund te shikoni

Leave a Reply

Your email address will not be published. Required fields are marked *

Gjithashtu mund te shikoni
Close
Back to top button